單詞：gam
音標：［ kɐm33 ］
1, ［代詞］：類似普通話嘅“這麼...，那麼...”，或者“像...這麼...”，表示動作行爲嘅程度。
對應中英文：咁
1.1： 修飾後面嘅形容詞或者動詞。類似普通話嘅“這麼...，那麼...”。
例句：
AaCatj,
阿漆，
Neiq si haaq haangx heoi yatj daat mouq gam doj yanx ge deihfongj.
你試下行去一笪冇咁多人嘅地方。
電影《國產凌凌漆》
Soengr saat ngoq titteoir seoirsoenghpiuj?
想殺我鐵腿水上飄？
Mouq gam yih!
冇咁易！
電影《國產凌凌漆》
Tengj zvh, zauhsvn tinjtiux geir gam mx ngaamj.
聽住，就算天條幾咁唔啱。
Zungr yauq yatj tiux horyiq dingh neiq ge zeoih.
總有一條可以定你嘅罪。
電影《濟公》
Waahmingx laaqzaarminh, yauq loengq gauh sir, yauq geir gam keix aa?
話明揦鮓面，有兩嚿屎，有幾咁奇啊？
電影《食神》
Batjgwo neiq mxsair zijdou gam doj yeq.
不過你唔使知到咁多嘢。
Hour gaanrdaanj, neiq zouh yatj go neoiq sihying.
好簡單，你做一個女侍應。
電影《新紮師妹》
Batjgwo gamr, neiq tengj keoiq gongr yeq zauh zij laaj.
不過噉，你聽佢講嘢就知啦。
Gam zungji haij, yingjgoij kaaudakj zvh ge.
咁鍾意閪，應該靠得住嘅。
電影《低俗喜劇》
Yvnxloix aa Kamx ceotjmaaihzor gwokgaaj.
你知唔知到，原來阿琴出賣咗國家。
Mxzij!
唔知！
Gwokgaaj gam seonyamh keoiq, keoiq gingryinx ...
國家咁信任佢，佢竟然...
電影《國產凌凌漆》
Neiq gam zungjyi keoiq.
你咁鍾意佢。
Ngoq zauh sung neiq lokh heoi puix keoiq laaj.
我就送你落去陪佢啦。
電影《國產凌凌漆》
Gam mouq fungjdouh gaa. Gamr zauh zaurzor heoi.
咁冇風度㗎。噉就走咗去。
電影《濟公》
Ngoq dingr neiq tiux pukjgaaij. Daihyoengr mxgin neiq gam yauq dauzi.
我頂你條仆街，第樣唔見你咁有鬥志。
電影《濟公》
Neiq zanj haih gam oi ngoq?
你真係咁愛我？
Ngoq hour oi neiq.
我好愛你。
電影《濟公》
Svjlaax aa, bongj saur zapj haaq yeq dakj mxdakj aa?
Shelia啊，幫手執下嘢得唔得啊？
Neiq gam tair mx gwo, zauh zihgeir zapj loj. Heij!
你咁睇唔過，就自己執囉。嘿！
電影《家有喜事》
1.2： 同前面嘅單詞，詞組或者句子一齊，修飾後面嘅形容詞，類似“像...這麼...”。
例句：
Binj go gwairsaat gam coux?
邊個鬼煞咁嘈？
Gaaur dou ngoq dukj niuh oj dou zath haaq zath haaq aa?
攪到我督尿，屙到窒下窒下啊？
電影《濟公》
Cungx tinjyath hoijcir, fungx yatj, saamj, ngq zeonhangx zaiseoir.
從聽日開始，逢一三五進行制水。
Yih, sei, lukh gaankitsing gungjseoir. Ceoij aax?
二四六間歇性供水。吹呀？
Dangr neiqdeih baanj yaur gwairsaat gam coux, haamxgengj gamr.
等你哋班友鬼煞咁嘈，喊驚噉。
電影《功夫》
Hour hengjgungj.
好輕功！
Hengjgungj oumiuh zij cv haih horyiq lingh yatj go hourciq hoirgaur gam cungq ge yanx,
輕功奧妙之處係可以令一個好似海狗咁重嘅人，
feij dou lauqlimx gam gouj, keixgaanj zungh horyiq gwairsaat gam coux.
飛到柳帘咁高，期間仲可以鬼煞咁嘈。
電影《食神》
Waij! Ngoq gongr sengj mxgoij zej. Mxsair laaih sir gam daaihwokh, haahwaaq?
喂！我講聲唔該啫。唔使攋屎咁大鑊下哇？
電影《唐伯虎點秋香》
Mour gongr gor zek baatpox. Gongr heir ngoq zauh baar gwair for aa.
mour 講嗰隻八婆，講起我就把鬼火啊。
Gaaur dou ukjkeir Catjgwok gam lvnh aa.
搞到屋企七國咁亂啊。
電影《家有喜事》
Singx Lungx 'deih aa, sengxyath douj waah yiu tungx ngoq yamr caax,
成龍哋啊，成日都話要同我飲茶，
Ngoq zauh samhsiur yingcaux keoiqdeih ge. Gaaur dou keoiq haam gam zaih, neiq yauq ngaanq tair ge laaj.
我就甚少應酬佢哋嘅。搞到佢喊咁滯，你有眼睇嘅啦。
電影《破壞之王》
Ngoq haih naamxyanr. Ngoq yauq gamrgok, yauq singxdaamj.
我係男人，我有感覺，有承擔。
Mxsair hair ngoq minhcinx tungx neoiqyanr kaux fanj gam gikj ge.
唔使喺我面前同女人求婚咁激嘅。
電影《得閒炒饭》
Neiq beir ngoq ngaamj yatj ci gam doj aaj.
你畀我啱一次咁多吖。
Neiq beir faanj siursiur minr ngoq lex!
你畀返少少面我咧！
電影《回魂夜》
Yatj yath dakj saamj ci gam caijloengx.
一日得三次咁淒涼。
電影《濟公》
1.3： 放喺形容詞後面，一齊修飾後面嘅動詞。
例句：
Miss Houj? Miss Houj ! Singj goj mouq sih aa, hor?
Miss何？Miss何！星哥冇事啊，嗬？
Mouq sih.
冇事。
Haih mxhaih aa? Zouh yeq laaj. Lvnr gam ngapj.
係唔係啊？做嘢啦。亂咁噏。
電影《逃學威龍》
Sukh waanx sukh zej.
熟還熟啫。
Lvnr gam gongr yeq, ngoq douj yatjyoengh wuiq gou neiq wairpongq.
亂咁講嘢，我都一樣會告你毀謗。
電影《西遊記大結局之仙履奇緣》
Siur Ceonj zir, gamgungj leoiqbinh gingrwaih samjyimx.
小春子，禁宮裏便警衛森嚴。
Ngq bouh yatj gongj, saph bouh yatj saau.
五步一崗，十步一哨。
Soryiq neiq yathyeh douj mx horyiq lvnr gam haangx.
所以你日夜都唔可以亂咁行。
Yvxgwor mxhaih, wuiq saattaur ge. Neiq zij maa?
如果唔係，會殺頭嘅。你知嘛？
電影《鹿鼎記》
Maiq lvnrsath gam aai aaj. Gwair gamr ge mej?
咪乱實咁嗌吖。鬼噉嘅咩？
電影《濟公》
Keoiq maangq gam sikh, maangq gam sikh, gokdakj hour gwoyanq...
佢猛咁食，猛咁食，覺得好過癮...
電影《九品芝麻官》
Neiq wair soenggungj, neiq yanjzvh wo. Gam maangq sikh, yanjzvh kangr canj wo.
呢位相公，你因住喎。咁猛食，因住骾嚫喎。
電影《九品芝麻官》
Yvthgwongj Bourhaph haih bourmath,
月光寶盒係寶物，
neiq lvnh gam deng, wuiq yimqwuj waanxgingr gaa.
你亂咁掟，會染污環境㗎。
電影《西遊記大結局之仙履奇緣》
二，［名］：江西嘅簡稱。
對應中英文：贛
例句：
參考資料：
廣州話的「噉」和「咁」用法詳解
https://bbs.cantonese.asia/thread-24035-1-1.html