單詞：gor
音標：［ kɔ35 ］
1, ［代詞］：遠指指示代詞，表示離說話者較遠嘅人，事物，處所，時間等。等於普通話嘅“那”。但係粵語嘅代詞“gor”唔可以單獨使用，要同量詞（包括數量詞組）搭配一切使用。
對應中英文：嗰
1.1 搭配個體量詞，用於指具體嘅人或物。
例句：
Neiq zauh haih gor go fuhsamjyanx?
你就係嗰個負心人？
Neiq kamxmaanq zungh ngaakj ngoq.
你琴晚仲呃我。
Maih zauh haih gor zek maajlaujzingj loj.
咪就係嗰隻馬騮精囉！
電影《西遊記大結局之月光寶盒》
Lor maaix gor zek goek laix!
攞埋嗰隻腳嚟！
電影《鹿鼎記》
Gamjyath gor go yvthgwongj gam leng, batjyvx ...
今日嗰個月光咁靚，不如...
電影《西遊記大結局之月光寶盒》
Neiq yauh haih gongr gaauj zouj gor ginh yeq ge zej.
你又係講講交租嗰件嘢嘅啫。
電影《兒女債》
1.2 搭配複數量詞（dij），用於泛指複數嘅人或物。
例句：
Fongsamj laaj. Gor dij yanx mx wuiq zoi laix siuj neiq gaa.
放心啦。嗰啲人唔會再嚟燒你㗎。
電影《濟公》
Yukhdai, Hongxlungx loxhon
玉帝，降龍羅漢，
zoengj ngoq poj punxtoux svh gor dij sinjtoux
將我樖蟠桃樹嗰啲仙桃，
hamhbaanghlaangh tauj saai beir Ngauxlongx gor dij ngaux sikh aa.
冚𠾴唥偷晒俾牛郎嗰啲牛食啊。
電影《濟公》
Gamjyath dungh hair neiq baanj saurzukj taux soengh gor dij cinr,
今日戙喺你班手足頭上嗰啲錢，
zauh dong cingr daaihgaaj heoi maaiq zaur yamr aaj.
就當請大家去買酒飲吖。
電影《西遊記大結局之月光寶盒》
Mj! Gin faanj neiq zanj haih hour hoijsamj aa. Yauh namr faanj heir hokhhaauh gor dij yeq. Baaij!
呣！見返你真係好開心啊。又諗返起學校嗰啲嘢。Bye!
電影《行運一條龍》
Neiq si haaq zipsauh ngoq aa, Cungxcungr.
你試下接受我啊，蟲蟲。
Dimr waixzij zipsauh sinj?
點爲之接受先？
Batjngoihfux paak haaq toj aa, git haaq fanj aa, saangj haaq zair aa, gor dij gamr ge yeq.
不外乎拍下拖啊，結下婚啊，生吓仔啊，嗰啲噉嘅嘢。
電影《百變星君》
1.3 空間遠指：搭配處所量詞，用於指地點或方位。
例句：
Gor douh goujsaur zungdoj.
嗰度高手衆多。
Zauh kaau neiqdeih catj go congrgwaanj, hungrpaa congr mx gwo heoi ge.
就靠你哋七個闖關，恐怕闖唔過去嘅。
電影《鹿鼎記》
Laanx zvh gor binh. Mxhour beir keoiq zaur!
攔住嗰便。唔好畀佢走！
電影《破壞之王》
Gor binj mouq yanx ger?
嗰邊冇人嘅？
電影《家有喜事》
1.4 時間遠指：搭配時間詞，用於指時間點。
例句：
Gor zanhsix neiq yauq zonghzir hair saur.
嗰陣時你有狀紙喺手。
Gaajhaaq yauq matj baarpaau?
家下有乜把炮？
電影《審死官》
Singj zair, muiq fungx go yvthgwongj gam leng gor zanr, neiq hoeng keoiq heoir go yvnh nej,
星仔，每逢個月光咁靚嗰陣，你向佢許個願呢，
yatjdingh wuiq samj soengr, sih singx ge.
一定會心想事成嘅。
電影《九品芝麻官》
Ginh sih haih gamr ger. Cinx gor paaix yauq baanj hokhsaangj laix gingrcvq caamjgunj.
件事係噉嘅。前嗰排有班學生嚟警署參觀。
Caamjgunj yvnx zijhauh, zauh faatgok mxginzor zij coengj.
參觀完之後，就發覺唔見咗支槍。
電影《逃學威龍》
Daanhhaih keixsath haih ngoq beirzor neiq,
但係其實係我畀咗你，
Yinxzijhauh neiq zoi hair gor go sixhauh beir faanj ngoq.
然之後你再喺嗰個時候畀返我。
電影《西遊記大結局之仙履奇緣》