單詞：laux
音標：［ lɐʊ21 ］
1，［動詞］：液體移動，轉移。
對應中英文：流
例句：
Dongjgamj saisoengh geoijyinr yauq yanx waih ngoq laux ngaanqleoih.
當今世上居然有人爲我流眼淚。
Ngoq wuiq gei zvh ge.
我會記住嘅。
電影《百變星君》
Ngx! Neij wunr faanh sikh dou yanx gamrdungh laux leoih.
嗯！呢碗飯食到人感動流淚。
Haaj! Mxgwaaidakjzij giuzouh amryinx siujwanx faanh laaj.
哈！唔怪得之叫做黯然銷魂飯啦。
電影《食神》
Haar! Yihdongjgaaj, mxhaih lauh seoir aax, haih neiq laux hvt aa.
吓！二當家，唔係漏水呀，係你流血啊。
電影《西遊記大結局之月光寶盒》
Waax, yauh kamx yauh couj. Zinghhaih tengj go mengr, douj laux beihhvt laaj.
嘩，又琴又操。淨係聽個名，都流鼻血啦。
電影《大內密探零零發》
Laix aaj! Neiq laux siursiur hvt zej, ngoq sung neiq heoi yijyvnr laaj! Laix!
嚟吖！你流少少血啫，我送你去醫院啦！嚟！
電影《回魂夜》
2，［動詞］：保留，唔離開，唔掉走，停留。
2.1 停留，唔離開，停止喺某一個地方。
對應中英文：留
例句：
Zoi mx faanj soengq heoi,
再唔返上去。
ngoqdeih saamj go douj yiu laux hair faanxgaanj maaih ziuj laa.
我哋三個都要留喺凡間賣蕉喇。
電影《濟公》
Neiq zoi mx fong saur, ngoq zanj haih laux faanj daij gaa.
你再唔放手，我真係留返低㗎。
電影《家有喜事》
Yiq ngoq Paautair dongjcaaij saamj saph ninx gingjyimh sordakj,
以我豹頭當差三十年經驗所得，
seirzer yatjdingh haih seir hauh beir yanx gun dukh.
死者一定係死後畀人灌毒。
soryiq neij dij dukh zirhaih laux hair hauxgwatj, yix lokh mx dou heoi fukjbouh.
所以呢啲毒只係留喺喉骨，而落唔到去腹部。
電影《九品芝麻官》
2.2 保存，保留，維持而唔去改變、唔去處理。
對應中英文：留
例句：
Ngoq soengjseon zungr yauq yatj yath,
我相信總有一日，
ngoqdeih ge sanjtair,
我哋嘅身體，
daaihbouhfanh zoengj wuiq beih yanxzouh heigunj sordoihtai.
大部份將會被人造器官所代替。
Dou sixhauh, zirhaih laux faanj go nouq.
到時候，只係留返個腦。
Yanxtair heigunj zoengj wuiq beih dinhnouq hungzai.
人體器官將會被電腦控制。
電影《百變星君》
Neiq tair.
你睇。
Laux daij baar douj wox.
留低把刀啝。
電影《百變星君》
Faai yoekhseoir gaaujbou nej, laux faanj neiq zihgeir yungh laaj.
塊藥水膠布呢，留返你自己用啦。
Ngoq mouq sih. mxgoij!
我冇事。唔該！
電影《國產凌凌漆》
Cingr neiq zikjhakj tungx gungjzok yanxyvnx lvnxlokh.
請你即刻同工作人員聯絡。
Laux daij neiq ge deihzir, dinhwaar.
留低你嘅地址，電話。
電影《家有喜事》
Fujyanx, cengr neiq saurhaah laux cingx aaj! Hoxbitj loengqbaaih keoijsoengj!
夫人，請你手下留情吖！何必兩敗俱傷！
電影《唐伯虎點秋香》
Neiq laux faanj dij likh,
你留返啲力，
laix gau ngoq neij go bun tiux yanxmengh ge douhyauq laaj.
嚟救我呢個半條人命嘅道友啦。
電影《回魂夜》
Wongxsoengh singzir, doujhaah laux yanx.
皇上聖旨，刀下留人。
電影《九品芝麻官》
Soryiq ngoq tungx aayex soengjloengh gwo nej,
所以我同阿爺商量過呢，
hair neiq lamxseir zijcinx, tungx ngoqdeih Baauj gaaj laux yatj dimr hauh.
喺你臨死之前，同我哋包家留一點後。
電影《九品芝麻官》
Neiq mongh haaq neiq zihgeir. Gwairgwairsvrsvr, mouq laix daaihtair.
你望下你自己。鬼鬼祟祟，冇嚟大體。
zungh hokh yanx laux dou peijtaux saanrfaat,
仲學人留到披頭散髮。
電影《西遊記大結局之月光寶盒》
Eh, mxgoij neiq tungx ngoq laux yatj zoengj geijpiu.
誒，唔該你同我留一張機票。
電影《兩個刁蠻女三氣蕭月白》
2.3 令人或物停留，令人或物唔離開。
對應中英文：留
例句：
Souj, neiq mxhour laux ngoq. Ngoq ge samj yiqgingj seirzor ge laa.
蘇，你唔好留我。我嘅心已經死咗嘅喇。
電影《家有喜事》
Gam yeh fong hokh ger?
咁夜放學嘅？
Gor baanj hokhsaangj laux zvh ngoq, zouh fongoih wuthdungh zej maa.
嗰班學生留住我，做課外活動啫嘛。
電影《兒女債》
2，［形容詞］：次等嘅，劣等嘅，假嘅。同“堅”相反。
對應中英文：流
例句：
Naax !Neiq haih mxzij ge,
嗱！你係唔知嘅，
neiq zauh faanj heoi manh cingjcor neiq louqdauh neij daanj yeq ginj haih laux.
你就返去問清楚你老竇呢單嘢堅係流。
Neiq zanj haih dong ngoq laux?
你真係當我流？
Neiq haih aaj.
你係吖。
電影《暗花》
Neij fukj "Yinr Cungx Toux",
呢幅“偃松圖”，
gauhninr ngoq hair yatj go Hoengjgongr congrgaaj ge office gin gwo zanjzikj.
舊年我喺一個香港廠家嘅Office見過真跡。
Ngoq maaiq ngq cinj,
我買五千。
laux ge.
流嘅。
Saamj go yvth cinx Toixwaanj paakzor yatj fukj.
三個月前臺灣拍咗一幅。
Baat saph maanh singxgaauj.
八十萬成交。
Gamr neiq waah gor yatj fukj haih ginj dingh laux?
噉你話嗰一幅係堅定流？
電影《無雙》
3，［名詞］：姓；多層房屋。
3.1 姓。
對應中英文：劉，樓
例句：
Keoiqdeih gaakleix fongr Laux Manxgith fujfuq zauh mx soengjtungx laak.
佢哋隔籬房劉文傑夫婦就唔相同嘞。
電影《兒女債》
Ganjzvh yiu sisikh ge zauh haih Gamrgongj faanhdim daaihcvx Laux Saamj sijfur ge "Gamrsau Dojmeih Yvr".
跟住要試食嘅，就係錦江飯店大廚劉三師傅嘅“錦繡多味魚”。
電影《食神》
Ngoq haih Laux leothsij.
我係劉律師。
Yauq mouq daar dinhwaar faanj ukjkeir aa?
有冇打電話返屋企啊？
電影《無間道》
3.2 多層房屋。
對應中英文：樓
例句：
Laux soengh laux haah ge gujnoengx aa, ceotj laix ginhaak laa.
樓上樓下嘅姑娘啊，出嚟見客喇。
電影《鹿鼎記》