單詞：loengq
音標：［ lœŋ 13 ］
1, ［數詞］：表示數字“二”。
對應中英文：兩
1.1 表示數量（基數）。
1.1.1 單獨使用，後面冇位數詞時，必須搭配量詞使用。
例句：
Yatj gaaj pinxyix, loengq gaaj zoekh.
一家便宜，兩家著。
Gaaur dimh keoiq sinj laaj.
搞掂佢先啦。
電影《黑社會》
Geir cinr aa?
幾錢啊？
Loengq houxzir. On zeonj gaaj daurlingr.
兩毫子。按樽加斗零。
電影《阿飛正傳》
Ngoqdeih zauh yaux yatj fanjzungj ge pangxyauq,
我哋就由一分鐘嘅朋友，
binsingx loengq fanjzungj ge pangxyauq.
變成兩分鐘嘅朋友。
電影《阿飛正傳》
Neiq zij mxzij zorzvh loengq daaih goujsaur kvtdau？
你知唔知阻住兩大高手決鬥？
Binj wair aa, neiq？
邊位啊，你？
電影《大內密探零零發》
1.1.2 不得單獨用於位數詞“十”前後。如：“二十”不能講成：“兩十”；“十二”，不能講成：“十兩”。但“百”，“千”，“萬”前可以用“兩”。
例句：
Yatj bouh dinhsihgeij, haahbinh maaih loengq cinj, soenghbinh maaih baat cinj aax.
一部電視機，下便賣兩千，上便賣八千呀。
Yukj haaq douj geir baak maanh aax!
喐下都幾百萬呀！
電影《樹大招風》
1.2 表示天然成雙嘅事物。此時後面不用接量詞，直接接名詞。
例句：
Gaausauh, gaajhaaq neiq haih maih waanr ngoqdeih loengq zairyex aa?
教授，家下你係咪玩我哋兩仔爺啊？
電影《百變星君》
Ngoq manh gwo keoiq loengq gungjpor gaa.
我問過佢兩公婆㗎。
電影《濟公》
Ngoqdeih loengqlouq geir ah ninx douj meih ceotj gwo gaaij laa.
我哋兩老幾啊年都未出過街喇。
Neiq mour yiu ngoqdeih loengq saur hungjhungj faanj ukjkeir aaj.
你mour 要我哋兩手空空返屋企吖。
電影《家有喜事》
1.2 概括表示小數目，唔多過“三”。必須搭配量詞使用。
例句：
Ceoixbinh yingh loengq geoi co,
隨便認兩句錯，
tair haaq yauq mouqdakj maanj sinj laaj.
睇下有冇得摱先啦。
電影《濟公》
Waij, waij, waij!
喂，喂，喂！
Loux soex, ze loengq cour yeq laix aaj.
盧Sir, 借兩草嘢嚟吖。
電影《回魂夜》
Mxhour waah zouhzor yatj-loengq ci cosih, zauh faanj mx dour sanj.
唔好話做咗一兩次錯事，就翻唔到身。
電影《濟公》
Neiq bok ngoq zeoir? yanjzvh saujmeij go loengq ninx, haar!
你駁我嘴？因住收尾個兩年，吓！
Saujmeij loengq ninx tungx neiq zapj gwatj.
收尾兩年同你執骨。
電影《九品芝麻官》