單詞：manj
音標：［ mɐn55 ］
1，［量詞］：貨幣單位，元，圓。
對應中英文：蚊
例句：
Neij yatj fukj "Knight, Death, and the Devil".
呢一幅“騎士、死神與魔鬼”，
haih mingxwaargaaj Albrecht Durer ge zanjzikj.
係名畫家Albrecht Durer嘅真跡。
Ngq maanh manj meiqgamj hour dair ge laa.
五萬蚊美金好抵嘅喇。
電影《無雙》
Beir doj manj neiq aa.
畀多蚊你啊。
Dangr neiq yatj zanhgaanj yauq cinr daar dinhwaar bougingr aa.
等你一陣間有錢打電話報警啊。
電影《百變星君》
Hair tinjhauhmiur minhcinx,
喺天后廟面前，
gamr douj sauj dour yaah manj toxdeir,
噉都收到廿文陀地。
電影《破壞之王》
Lukh cinj maanh ngoq mouq aa, zair. Lukh cinj manj waakhzer yauq.
六千萬我冇啊，仔。六千蚊或者有。
電影《百變星君》
2，［名詞］：蚊子。
對應中英文：蚊
例句：
Yauq manj.
有蚊。
電影《逃學威龍》
Neiq zouh mej aa?
你做咩啊？
Yauq manj aa.
有蚊啊。
Yauq manj?
有蚊？
Gau daamr neiq feij maaix ngoq samjhaur douh aajnaax.
夠膽你飛埋我心口度吖嗱。
Ngoq yatj ceoix daar seir neiq.
我一槌打死你。
電影《鹿鼎記》
3，［動詞］：細火長時間煮。
對應中英文：炆
例句：
Ngoq waah keoiq loengq geoi zejmaa.
我話佢兩句啫嘛。
Go seoijyanx zauh taujzor ngoq zek Haaujtinjhvnr heoi manj zijzukj lok.
個衰人就偷咗我隻哮天犬去炆枝竹咯。
電影《濟公》
Hongxlungx manj Haaujtinj sanxhvnr gor yath, neiq yauq fanr sikh wox.
降龍炆哮天神犬嗰日，你有份食啝。
電影《濟公》
Caaur neiq mx dour, zauh lor neiq manj, manj yvnx zoi zaa douj zungh dakj aa.
炒你唔到，就攞你炆，炆完再炸都仲得啊。
電影《百變星君》