單詞：namr
音標：［ nɐm 35 ］
1，［動詞］：想，考慮。
對應中英文：諗
1.1 指回憶。
例句：
Ngoq muiq ci tengj dour keoiq,
我每次聽到佢，
ngoq douj wuiq namr heir neiq dimryoengr sek ngoq ge.
我都會諗起你點樣錫我嘅。
電影《家有喜事》
Seoijzair aa, Neiq binsingx yatj lukj ngaaxgouj gamr, tok caam mej?
衰仔啊，你變成一碌牙膏噉，托杉咩？
Ngaamjngaamj namr heir caat ngaax zauh binsingx gamr laak.
啱啱諗起刷牙就變成噉嘞。
電影《百變星君》
1.2 思考，推理，決策。
例句：
Ngoq beir neiq sair go minh sinj,
我畀你洗個面先，
namr cingjcor sinjzi faanj laix tungx ngoq gongr.
諗清楚先至返嚟同我講。
電影《黑社會》
Kaux neiq bongj ngoq zeoihauh yatj go mongx.
求你帮我最後一個忙。
Mej aa? Namr baanhfaat maangj daaih keoiq go haur.
咩啊？諗辦法掹大佢個口。
電影《濟公》
Camxmaanq ngoq zungh wanxtoxtox, maih gongr dou lvnhcatjbaatzouj loj.
尋晚我仲暈酡酡，咪講到亂七八糟囉。
Neiq namr zanj zi hour gongr wox. Neij yeq neiq...
你諗真至好講啝。呢嘢你...
電影《九品芝麻官》
Ngoq douj namrganr baanhfaat.
我都諗緊辦法。
Neiq tungx ngoq namr dimh go fauxseoiryan sinj.
你同我諗掂個浮水印先。
電影《無雙》
Zungh yauq aa, ngoq namr zvh zoengj keoiq sung beir yanx gaa.
仲有啊，我諗住將佢送畀人㗎。
電影《城市獵人》
Ngoq hauhsaangj gor zanh, douj yauq namr gwo lamh zongj.
我後生嗰陣，都有諗過㨆莊。
電影《黑社會以和爲貴》
Neiq faaidij tungx ngoq namr namr baanhfaat laaj.
你快啲同我諗諗辦法啦。
電影《濟公》
Tongx Saamjzongh, neiq faanx ngoq yatjzour tengjgongr gwo.
唐三藏，你煩我一早聽講過。
Batjgwo namr mx dour neiq gam faanx zej.
不過諗唔到你咁煩啫。
電影《西遊記大結局之仙履奇緣》
Dimrgaair ngoq gam ceonr? Gamr douj namr mx dour ge.
點解我咁蠢？噉都諗唔到嘅。
電影《逃學威龍》
1.3 利益計算。
例句：
Gamr neiq waah gaajmaa,
噉你話𠺢嘛，
Yijlaaijhakj daarzoeng, gwanjfor yauqdakj namr aajmaa.
伊拉克打仗，軍火有得諗吖嘛。
Gamr neiq hvn ngoq aajmaa.
噉你勸我吖嘛。
電影《逃學威龍》
Neiq yvxgwor mx sikj namr, ngoq zauh tek neiq ceotj haauh. Cingjcor meih?
你如果唔識諗，我就踢你出校。清楚未？
電影《逃學威龍》
1.4 指主觀判斷，覺得，想法。
例句：
Yauh svnr sanj yatj gaai baanhsih, daaihgaaj dimr namr aa?
又選新一屆辦事，大家點諗啊？
電影《黑社會以和爲貴》
Ngoq namr, keoiq yanjwaih gingjyimh mxhaih geir gau laaj.
我諗，佢因爲經驗唔係幾夠啦。
Soryiq kamxyath aax, biuryinhdakj hour ganrzoengj tungxmaaix gingjfongj.
所以琴日呀，表現得好緊張同埋驚慌。
Ngoq namr, kamxyath dij yeq, keoiq mxhaih geidakj hour cingjcor ge laak.
我諗，琴日啲嘢，佢唔係記得好清楚嘅嘞。
Waihzor mxhour zor aa Madam ge bourgwai sixgaan,
爲咗唔好咗阿Madam嘅寶貴時間。
ngoq namr, ngoq yatj go yanj bougou dakj ge laa.
我諗我一個人報告得嘅喇。
電影《師兄撞鬼》