單詞：sair
音標：［ sɐɪ 35 ］
1，［動詞］：運用，使用；致使，支配；需要，用得着；可以，能夠；清洗；駕駛。
對應中英文：使，洗，駛
1.1 運用，使用。
對應中英文：使
例句：
Neiq zungh yauq mej bunrsih?
你仲有咩本事？
Sair ceotj laix laaj.
使出嚟啦。
電影《國產凌凌漆》
Waax! Neiq yikj haaq dij gaaijfongj.
嘩！你益下啲街坊。
Gwo loengq ziuj laix sair haaq. Hour mxhour aa?
過兩招嚟使下。好唔好啊？
電影《家有喜事》
Mxhaih gam dangr cinr sair zej, aahmaaq?
唔係咁等錢使啫，啊嗎？
Mej mxdangr cinr sair aa.
咩唔等錢使啊。
Hair hokhhaauh sauj maaix, sauj maaix, douj mx gau ngoq heoi loengq maanq Kaajlaajoujkeij aa.
喺學校收埋收埋，都唔夠我去兩晚卡拉OK啊。
電影《逃學威龍》
Keoiq sairganr zoengj gaar nganxzir ge sixhauh,
佢使緊張假銀紙嘅時候，
yauq mouq namr gwo ngoqdeih geir tiux mengh aa?
有冇諗過我哋幾條命啊？
電影《無雙》
Ngoq Waiq Siurbour ngoihhouh,
我韋小寶外號，
ngaaxcir dong gamj sair, singxsath horkaau siur longxgwanj.
牙齒當金使，誠實可靠小郎君。
電影《鹿鼎記》
Ngoq mxgoij neiq haanjdij sair laaj. Neiq baar seir cau haur.
我唔該你慳啲使啦。你把死臭口。
電影《逃學威龍》
Ngoq yvhbeihzor yatj fanh laa. Neiq tair haaq ngaamj mx ngaamj sair.
我預備咗一份喇。你睇下啱唔啱使？
電影《家有喜事》
1.2 致使，令。
對應中英文：使
例句：
Keixsath neij dij cinr zauh mxhaih ngoq doih ger.
其實呢啲錢就唔係我袋嘅。
Haih gvnj beir Zungjgwok maanhcinj furnaanh ge tungxbaauj.
係捐畀中國萬千苦難嘅同胞。
Sair dou yanxyanx mxdaanjzir yauq svj dukh, zungh yanxyanx yauq gungj linh.
使到人人唔單只有書讀，仲人人有功練。
電影《破壞之王》
1.3 支配，使喚。
對應中英文：使
例句：
Zij mxzij dimrgaair keoiq yiu sair hoij Honx Samj aa?
知唔知點解佢要使開韓森啊？
電影《無間道2》
Aijyaax! Ngoq heoi hairlaaj. Mxsair gwaih laa, bongjzvr.
哎吔！我去係啦。唔使跪喇，幫主。
Neiq gur ngoq soengr ge mej. Seiryanx goek mx tengj sair zej.
你估我想嘅咩。死人腳唔聽使啫。
電影《西遊記大結局之月光寶盒》
1.4 需要，用得着。
對應中英文：使
例句：
keoiq yatjdingh namr baanhfaat laix saat seir ngoq gaajmaa.
佢一定諗辦法嚟殺死我𠺢嘛。
Mxhaih ngoq sair gwair giu neiq cengr lukh tiux mauhleir laix bourwuh ngoq mej?
唔係我使鬼叫你請六條茂利嚟保護我咩？
電影《百變星君》
Cvnbaau, neiq saujzor yanxdeih hour doj cinr aax?
串爆，你收咗人哋好多錢呀？
Sair mxsair geoigeoi dingr dou hangx aa?
使唔使句句頂到拫啊？
電影《黑社會》
Neiq zungh hour gongr.
你仲好講。
Gor yath mxhaih dakj neiq sukj daij go taux.
嗰日唔係得你縮低個頭，
Ngoq sair beir yanx daar zung go beih?
我使畀人打中個鼻？
電影《西遊記大結局之月光寶盒》
Gamr ngoqdeih ceonxlaih douj tiu faanj paakj mouq loj.
噉我哋循例都跳返啪舞囉。
Mxhaih gwaa? Zungh sair tiu mouq?
唔係啩？仲使跳舞？
電影《家有喜事》
Ngoq saurngakj tinjhaah bingjmaaq, satjhaah hoxzir baakmaanh aa.
我手握天下兵馬，膝下何止百萬啊。
Ngoq sair tungx Sokneix zouh tungxdongr?
我使同索尼做同黨？
電影《鹿鼎記》
1.5 可以，能夠。
對應中英文：使
例句：
Keoiq haih ngoq ge yanx. Ngoq mx laamr keoiq, ngoq zungh sair ceotj laix haangx ger?
佢係我嘅人。我唔攬佢，我仲使出嚟行嘅？
電影《食神》
Ngoq zauh laix teoiyauj ge laaj maa. Yixgaaj zi mxginzor zij coengj wox.
我就嚟退休嘅啦嘛。而家至唔見咗支槍啝。
Beir yanx zijdou aax, ngoq zungh sair gin yanx ger?
畀人知道呀，我仲使見人嘅？
電影《逃學威龍》
Ngoq Wujyingj go dor aax, seoijyinx mx hoengr zej, daanhhaih yauq yanx zij aajmaa.
我烏蠅個朵呀，雖然唔響啫，但係有人知吖嘛。
Giu ngoq teoijzvh gaa yvxdaanr cej zaujgaaij zaur wox,
叫我推住架魚蛋車周街走啝，
zungh sair ceotj laix haangx ger?
仲使出嚟行嘅？
電影《旺角卡門》
Neiq giu ngoq sek, zauh sek.
你叫我錫，就錫。
Ngoq ge yingxzoengh zungh sair yiu ger?
我嘅形象仲使要嘅？
電影《西遊記大結局之仙履奇緣》
Ngoq gamjmaanq gaaur mx dimh Daaihngaanq, tingjyath zungh sair ceotj laix louj ger?
我今晚搞唔掂大眼，聽日仲使出嚟撈嘅？
電影《PTU》
Soengr zaur?
想走？
Gamjyath mx gongr cingjcor, maiq sair ziryi zaur aa.
今日唔講清楚，咪使旨意走啊。
電影《西遊記大結局之仙履奇緣》
1.6清洗，用液體清潔。
對應中英文：洗
例句：
Daanhhaih ngoq go taux sair dou yatj bun,
但係我個頭洗到一半，
neiq laix gwaanj seoirhaux.
你嚟關水喉。
電影《功夫》
Dakj. Ngoq sair go saur faanj laix bongj neiq sathzaaph.
得。我洗個手返嚟幫你實習。
電影《家有喜事》
Sair sanh aa. Mx gaai mxdakj.
洗腎啊。唔戒唔得。
電影《樹大招風》
Ngoq beir neiq sair go minh sinj, namr cingjcor sinjzi faanj laix tungx ngoq gongr.
我畀你洗個面先，諗清楚先至返嚟同我講。
電影《黑社會》
1.7 引申爲清除原來嘅記憶、信息或痕跡。
對應中英文：洗
例句：
Ngoq saph yih seoi zauh yaphzor hakjseqwuir, sair mx latj ge laak.
我十二歲就入咗黑社會，洗唔甩嘅嘞。
電影《黑社會》
Ngoq dong haih zouh haaq sinhsih.
我當係做下善事。
Daai neiq faanj heoi zouh woxsoengr sair dair aaj.
帶你返去做和尚洗底吖。
電影《濟公》
1.8 駕駛。
對應中英文：駛
例句：
Gaa cej paakzor hair ceotjbinh. Sair heoi Waangxkamx maaqtaux douh.
架車泊咗喺出便。駛去橫琴碼頭度。
Gwo dou wuiq yauq caaijlour daai neiq zaur.
過到會有差佬帶你走。
電影《放逐》
Ngoq baau taaij wox, hourciq.
我爆呔啝，好似。
Neiq sair maaix yatj binj sinj. Mxhour zor zvh tiux louh laaj.
你駛埋一邊先。唔好阻住條路啦。
電影《意外》