單詞：tengj
音標：［ tʰɛŋ 55 ］
1, ［動詞］：用耳仔接收聲音；聽從，接受；分辨，聽得懂，聽得明白。
對應中英文：聽
1.1 聽覺感知，表示用耳仔接收聲音。
例句：
Tengj Gunjyamj Daaihsih gongr yeq,
聽觀音大士講嘢，
zanjhaih tengj ceotj yiqyaux.
真係聽出耳油。
Svjfukh. Svjfukh.
舒服，舒服。
電影《濟公》
Ox! Gaau neiq yauh mx gamr.
哦！教你又唔敢。
Daanh ngoq gongr neiq tengj.
但我講你聽。
Zanjzing ge doujfaat bingh mxhaih yungh saur.
真正嘅刀法並唔係用手。
電影《國產凌凌漆》
Waah beir Daaihdir tengj nej, yatjdingh mx wuiq zoi svnr gwo.
話畀大D聽呢，一定唔會再選過。
Lukj gwan yauq mej yijyukj, zauh deoi mx zvh lithzourlithzungj.
碌棍有咩咿喐, 就對唔住列祖列宗。
電影《黑社會》
Ngoq soengr canjyiq tengj neiq gongr yatj ci.
我想親耳聽你講一次。
Ngoq gengj Cvnbaau nej, ninxgeir daaih, cvnx co svtwaah.
我驚串爆呢，年紀大，傳錯說話。
電影《黑社會》
Tengj zvh, zauhsvn tinjtiux geir gam mx ngaamj.
聽住，就算天條幾咁唔啱。
Zungr yauq yatj tiux horyiq dingh neiq ge zeoih.
總有一條可以定你嘅罪。
電影《濟公》
1.2 聽從，接受（指令或建議）。
例句：
Mxhaih sihbitj yiu neiq tengj,
唔係是必要你聽，
daanhhaih neiq gamjyath sortengj ge yatjcai,
但係你今日所聽嘅一切，
yvxgwor mxziu zukj laix zouh,
如果唔照足嚟做，
gamr neiq zauh yiqhauh mxsair ziryiq faanj soengq tinjgungj laa.
噉你就以後唔使指擬返上天宮喇。
電影《濟公》
Louqdauh ge svtwaah, neiq tengj mx tengj?
老竇嘅説話，你聽唔聽？
Tengj.
聽。
Tengj, ngoq zauh yiq louqdauh ge mingxyih tungx neiq gongr.
聽，我就以老竇嘅名義同你講。
Yiqhauh mxzeonr neiq zoi zaaj dauj hatj sikh.
以後唔准你再揸兜乞食。
電影《濟公》
Ngoq haih sijlingh.
我係司令。
Neiq loengq go tengj ngoq zirfaij.
你倆個聽我指揮。
電影《逃學威龍》
Neiq mx horyiq hakjbokh keoiq. Zungh yiu tengj saai keoiq waah.
你唔可以刻薄佢。仲要聽晒佢話。
電影《鹿鼎記》
Ziryiu neiq tengj ngoq svtwaah.
只要你聽我說話。
Yaux yixgaaj hoijcir, neiq zauh haih cinjgamj siurzer, haih mingxmunx sukhneoir.
由而家開始，你就係千金小姐，係名門淑女。
電影《無敵幸運星》
Waij! ngoqdeih mxhaih zanjhaih tengj neij tiux seir kejlejfej dimr aahmaaq?
喂！我哋唔係真係聽呢條死茄哩啡點啊嗎？
電影《喜劇之王》
1.3 （指理解能力）分辨，理解。
例句：
Sikj mx sikj tengj Gwongrdungjwaar？
識唔識聽廣東話？
Sikj! Sikj, sikj, sikj. Gangrhaih sikj laaj.
識！識，識，識。梗係識啦。
電影《樹大招風》
Ngoq pungrdakj neiq heir, zauh yaairdakj neiq daij.
我捧得你起，就踩得你低。
Tengj' mx tengjdakj mingx aa?
听唔听得明啊？
電影《跛豪》
Ngoq tengj mx mingx neiq gor dij mej gor dij yanx hauhbinh yatjdingh yauq dij ... dij yeq nej.
我聽唔明你嗰啲咩嗰啲人後便一定有啲... 啲嘢呢。
Ngoq zanj haih tengj mx mingx gaa.
我真係聽唔明㗎。
電影《志明與春嬌》
2, ［名詞］：聚會或招待客人用嘅大房間。
對應中英文：廳
例句：
Zungh yauq, neiq cinjkeix mxhour bou gunj aa.
仲有，你千祈唔好報官啊。
Zidoj ngoq ceotj tengj fan ge zej.
至多我出廳訓嘅啫。
電影《九品芝麻官》
Dimrzij soengq saanj gor yath,
點知上山嗰日，
baanj ngqzoklour zoengj fu gunjcoix toixzor hair go tengj douh.
班仵作佬將副棺材抬咗喺個廳度。
電影《無間道2》