單詞：yatj
音標：［ jɐt ̚ 55 ］
1, ［數詞］：表示數目起點嘅基數詞；最小嘅正整數。
對應中英文：一，壹，1。
1.1 表示基數詞一。
例句：
Yatj go yoekhzatj ge neoiqzir,
一個弱質嘅女子，
soengr wanr go deihfongj hit yatj hit goek,
想揾個地方歇一歇腳，
sair sair sanj soengh ge fungjcanx.
洗洗身上嘅風塵。
電影《西遊記大結局之月光寶盒》
Yatj gaur lukh lingx ninx sei yvth saphlukh houh haahzau saamj dimr zijcinx gor yatj fanjzungj,
一九六零年四月十六號下晝三點之前嗰一分鐘，
neiq tungx ngoq hair maaix yatjcaix.
你同我喺埋一齊。
電影《阿飛正傳》
Neiq haih mxhaih soengr daar gaur yatj yatj bou gingr?
你係唔係想打911報警？
電影《百變星君》
Yvnx Baatinj laixzor aax. Heoi ngoq ukjkeir beih yatj beih. Zaur.
袁霸天嚟咗呀。去我屋企避一避。走。
電影《濟公》
1.2 表示序數詞“第一”，順序首位。
例句：
Ngoq yatj batj zamj caax, daih seoir.
我一不斟茶遞水，
yih batj sair saamj, sou deih,
二不洗衫掃地，
saamj batj pouj congx, zip peiq.
三不鋪牀摺被。
電影《唐伯虎點秋香》
2, ［形容詞］：全、滿、整。
對應中英文：一。
例句：
Gurwaakhzair mx yungh nouq, yatj sai douj haih gurwaakhzair.
古惑仔唔用腦，一世都係古惑仔。
電影《黑社會》
Neij douh binj yauq hvt aa?
呢度邊有血啊？
Yatj minh douj haih, zungh waah mouq.
一面都係，仲話冇。
電影《回魂夜》
3, ［副詞］：表示動作瞬時實現。
對應中英文：一
例句：
Soryiq neiq yatj bokj lokh heoi nej,
所以你一㩧落去呢，
zij gwan lvnjzor, ngoq mouq sih gaa.
支棍癵咗，我冇事㗎。
電影《百變星君》
Neiq soengr hair douh dangr Tongx Saamjzongh ceotjyinh,
你想喺度等唐三藏出現，
yatj soengx keoiq coengxsangjbatjlouq zij yukh zigwaa.
一嚐佢長生不老之肉至啩。
電影《西遊記大結局之月光寶盒》
Ngoqdeih geir aah baar yeq hongx zvh gaajmaa.
我哋幾啊把嘢降住𠺢嘛。
Yatj yauq matj yijyukj zauh deng maaix heoi aajmaa.
一有乜咿喐就掟埋去吖嘛。
電影《西遊記大結局之月光寶盒》