單詞：zauh
音標：［ tsɐʊ 22 ］
1, ［動詞］：往某處移動。引申爲： 遷就，將就，配合。
對應中英文：就
例句：
gamryoengr neiq zauh yatj zauh ngoq, hour mxhour?
噉樣你就一就我好唔好？
Hour aak. Ngoq zauh yatj zauh neiq laaj.
好𡅅。我就一就你啦。
電影《喜劇之王》
Mej mx ngaamj fiuj zej.
咩唔啱feel啫。
Ngoq horyiq goir laix zauh neiq gaajmaa.
我可以改嚟就你𠺢嘛。
Zauh neiq louqmouq aa!
就你老母啊！
Yatj go AM, yatj go FM. Daaihgaaj douj mx ngaamj channel ge.
一個AM， 一個FM， 大家都唔啱channel嘅。
電影《行運一條龍》
2, ［副詞］：時間、事件、狀態或數量上極其靠近。
對應中英文：就
2.1 表示時間緊接住，立刻，馬上。
例句：
Neiq zauh laix linx neiq louqdauh sing mej,
你就嚟連你老竇姓咩，
neiq douj mx geidakj ge laak, neiq.
你都唔記得嘅嘞，你。
電影《百變星君》
Neiq louqpox zauh ceotj laix ge laak. Dinghdij laix laaj.
你老婆就出嚟嘅嘞。定啲嚟啦。
電影《西遊記大結局之月光寶盒》
Loengx zauh laix cungj yvnx laaj.
涼就嚟沖完啦。
Ganjzvh zungh heoi binj douh wetj, hour nej?
跟住仲去邊度Wet，好呢？
電影《百變星君》
Waij! Louqyauq,
喂！老友，
neij dungh laur zauh laix caak ge lowo, zungh meih bunj aa?
呢棟樓就嚟拆嘅囉喎。仲未搬啊？
電影《百變星君》
2.2 表示時間嘅緊接關係，用於兩個動作行爲，或兩件事緊接住發生。
例句：
Hour aak. Naax! Neiq sihdaanh laar baar yeq, cungj yaph keoiq fongr zauh pek.
好𡅅。嗱！你是但揦把嘢，衝入佢房就劈。
電影《西遊記大結局之月光寶盒》
Ngr? Yatj sek keoiq zauh mx yukj ger?
嗯？一錫佢就唔喐嘅？
電影《西遊記大結局之月光寶盒》
2.3 表示強調，用於加強肯定或決心。
例句：
Haih maih zauh haih lingxhungj bej aa?
係咪就係凌空睥啊？
Zauh haih lingxhungj bej loj!
就係凌空睥囉。
電影《百變星君》
Beir aa-Cvnbaau douj beir yaah peix.
畀阿串爆都畀廿皮。
Beir ngoq zauh beir saph peix.
畀我就畀十皮。
Daaihdir mx soengr yengx dingr laak.
大D唔想贏定嘞。
電影《黑社會》
Ngoq lengjzair gor zanhsix nej,
我僆仔嗰陣時呢，
zauh yiqgingj yauq baanj sukjfur svnr baanhsihyanx laak.
就已經有班叔夫選辦事人嘞。
Gor zanhsix ngoq zauh namr,
嗰陣時我就諗，
Gor baanj louqyeq yiqgingj soengq saai sanxtoir ge laaj.
嗰班老嘢已經上晒神枱嘅啦。
電影《黑社會》
Neiq louqdauh dij sanxwair aax?
你老竇啲神位呀？
Ngoq zauh soengr aa. Yauq gam doj louqdauh, ngoq zungh sair zouh mej?
我就想啊，有咁多老竇我仲使做咩？
Neij dij hamhbaanghlaangh ngoq yiqcinx dij paakdong laix ge.
呢啲冚𠾴唥我以前啲拍檔嚟嘅。
電影《逃學威龍》
Bongj ngoq zokh keoiq ceotj laix.
幫我鑿佢出嚟。
Zokr?
鑿？
Zokh!
鑿！
Zauh gamr zokh?
就噉鑿？
Mxhaih dimr zokh aa?
唔係點鑿啊？
電影《國產凌凌漆》
Ngoq yatjzour zauh tair cvnj saai neiq samj, gonj, peix, fai, sanh laa.
我一早就睇穿晒你心肝脾肺腎喇。
Haih soengr coq ngoq go wair leq?
係想坐我個位哩？
電影《西遊記大結局之月光寶盒》
Yvnxloix Zingjzingj gujnoengx keoiq zungjyi ngoq coujkwong ge yatj minh.
原來晶晶姑娘佢鍾意我粗獷嘅一面。
Lvnh zauh lvnhdij. Douj zungrsvn wuixfukh geir fanj fungjcoir.
亂就亂啲。都總算回復幾分風采。
電影《西遊記大結局之月光寶盒》
Bongjzvr, neiq zauh gamr heoi aax? Mx paa?
幫主，你就噉去呀？唔怕？
Paa mej aa? Ngoq soengj hour faanj saai,
怕咩啊？我傷好返晒。
gengj mx gau keoiq daar mej?
驚唔夠佢打咩？
電影《西遊記大結局之月光寶盒》
Zauh gongr ngoqdeih zeoi maaihdakj ge daanhtaatj,
就講我哋最賣得嘅蛋撻，
yatj yath zeoi doj maaih geir doj go?
一日最多賣幾多個？
電影《行運一條龍》
3, ［連詞］表示邏輯順承嘅關係，用於表示結果
對應中英文：就
例句：
Yvxgwor neiq louqdauh mxhaih haauhdungr ge waar,
如果你老竇唔係校董嘅話，
neiq yatjzour zauh beir yanx daar seirzor laa.
你一早就畀人打死咗喇。
電影《百變星君》
Hornangx lokh zej. Zungrzij standby. Lokhyvq zauh hoij gungj.
可能落啫。總之standby。落雨就開工。
電影《意外》
Haujmeij keoiq zanjhaih yathyath douj laix.
後尾佢真係日日都嚟。
Ngoqdeih zauh yaux yatj fanjzungj ge pangxyauq,
我哋就由一分鐘嘅朋友，
binsingx loengq fanjzungj ge pangxyauq.
變成兩分鐘嘅朋友。
電影《阿飛正傳》
Neiq dimr gaaur ngoq gaanj ukj mx ganryiu,
你點搞我間屋唔緊要，
zaur gor six zoi tungx ngoq gaaur faanj dimh keoiq zauh dakj laak.
走嗰時再同我搞返掂佢就得嘞。
電影《意外》
Ziryiu wanr dour keoiq, zauh horyiq wanr dour Tongx Saamjzongh.
只要揾到佢，就可以揾到唐三藏。
電影《西遊記大結局之月光寶盒》
Ngoqdeih geir ah baar yeq hongx zvh gaajmaa.
我哋幾啊把嘢降住𠺢嘛。
Yatj yauq matj yijyukj zauh deng maaix heoi aajmaa.
一有乜咿喐就掟埋去吖嘛。
電影《西遊記大結局之月光寶盒》
參考文獻：
李晓琳，王红旗。时间副词“就”的主观性及其形成机制。漢語學習。2024年08月，第 4 期
張瑩。认知视角下的“就”、“才”主观性溯源——兼论“就”、“才”句中“了”的隐现。海外華文教育，2012年第1期（總第62期）
左思民。从“就”看词义的形成、分项和识别。JＯＵＲＮＡＬ ＯＦ ＥＡＳＴ ＣＨＩＮＡ ＮＯＲＭＡＬ ＵＮＩＶＥＲＳＩＴＹ, Ｈｕｍａｎｉｔｉｅｓ ａｎｄ Ｓｏｃｉａｌ ＳｃｉｅｎｃｅｓＮｏ．２，２０１９