單詞：zej
音標：［ tsɛ 55 ］
1, ［名詞］：
1.1 用喺人名之後，以稱呼輩份相同或年齡相近嘅女性。
對應中英文：姐
例句：
Gaij zej, ngoq namr gwo ge laa.
雞姐，我諗過嘅喇。
Zungrzij yiqhauh laaihniuhhaaj, ngauxyvnr, matj kiuj douj beir saai neiq zouh.
總之以後瀨尿蝦，牛丸，乜Q都畀晒你做。
電影《食神》
Caujhoengj zej, sanjfur saai neiq.
秋香姐，辛苦晒你。
電影《唐伯虎點秋香》
Sekhlaur zej, neiq nghwuih laa.
石榴姐，你誤會喇。
電影《唐伯虎點秋香》
Gvnj zej, siursamj aa.
娟姐，小心啊。
Gvnj zej, neiq mouq yeq aajmaa?
娟姐，你冇嘢吖嘛？
電影《喜劇之王》
1.2 傘。
對應中英文：遮
例句：
Tingjyath saph yih dimr, daamj baar zirsikj ge zej hair Miuh Gaaij,
聽日十二點，擔把紫色嘅遮喺廟街，
Ngoq wanr yanx zip neiq aaj.
我搵人接你吖。
電影《樹大招風》
2, ［動詞］：遮擋，掩蓋。
對應中英文：遮
例句：
Soengr zej zvh aa. Dimr zej douj zung neiq wo.
想遮住啊。點遮都中你喎。
電影《逃學威龍》
Yanjwaih keoiq zanj haih zej zvh bun binj minh loj, soxzair.
因爲佢真係遮住半邊面囉，傻仔。
電影《鹿鼎記》
3, ［助詞］：表示實際情況與預期不符。講話人對此嘅唔同認知，帶嚟唔同嘅用法。
對應中英文：啫
1.1 表示雖然實際情況與預期不符，但係仍属合理或可承受嘅范围，從而淡化其嚴重性，表示“不必在意”。带有轻描淡写的意味。
例句：
Yijsangj, keoijkeoij saamj baak lengx zij zamj zej. Ngoq daar!
醫生，區區三百零支針啫。我打！
Fungjgaurzing wox. Yvhfongx haaq zej.
瘋狗症啝。預防下啫。
電影《行運一條龍》
Minhyingx mx dimh aajmaa.
面型唔掂吖嘛。
Gwokzih haurminh zej, hour yauq singgaak gaak.
國字口面啫，好有性格𠺝。
電影《百變星君》
Tair neiq go yoengr, gangr mouq zair sungzungj laaj.
睇你個樣梗冇仔送終啦。
Zauhsvn yauq douj haih keijyingx ge zej.
就算有都係畸型嘅啫。
電影《百變星君》
1.2 由於實際情況超出合理範圍，或者講話人接受嘅範圍，但係主觀動機係好嘅，或者唔係故意嘅。用於解释或辩护，以退瀉責任，弱化過錯。
例句：
Baanj caaijlour sirfatjgwair,
班差佬屎窟鬼，
soengr gamh zvh ngoqdeih, mx beir ngoqdeih coux zej.
想撳住我哋，唔畀我哋嘈啫。
電影《黑社會》
Ziyvj yih-dongjgaaj lo woq, keoiq haih mouxsamj zij satj ge zej.
至於二當家囉𡁜，佢係無心之失嘅啫。
Yvxgwor mxhaih keoiq daar neiq cixtongr gor haaq,
如果唔係佢打你祠堂嗰下，
Yij bengh douj mx wuiq yijdakj hour gam faai laaj.
醫病都唔會醫得好咁快啦。
電影《月光寶盒》
Ngoq gokdakj Daaihdir keoiqdeih zeoi ceotjwair.
我覺得大D佢哋最出位。
Keoiq zeoi bongjdakj zihtaux, ngoq zi caang keoiq zej.
佢最幫得字頭，我至撐佢啫。
電影《黑社會》
Dangr baak, ngoq yixgaaj ceotj laix svnr waih mej?
鄧伯，我而家出嚟選爲咩？
Yatjsamj douj haih soengr bongj aagungj zouh dij yeq zej.
一心都係想幫阿公做啲嘢啫。
電影《黑社會》
Neiq gaugingr soengr dimr zekj?
你究竟想點唧？
Mouq. Soengr tungx neiq zouh pangxyauq zej.
冇。想同你做朋友啫。
電影《阿飛正傳》
Ngoq waih Caujhoengj. Ngoq yatjzour yiqgingj biurmingx loixyi.
我爲秋香。我一早已經表明來意。
Haih neiqdeih meih gau baanj, tair mx ceotj zej!
係你哋未夠班，睇唔出啫！
電影《唐伯虎點秋香》
Daaihlour aax, ngoq yauq ngoq nimh sij zej. Neiq zouh matj caaj yeq faanrying aa?
大佬呀，我有我念詩啫。你做乜叉嘢反應啊？
Ngoq gapjniuh, daar niuhzan zej maa.
我急尿，打尿震啫嘛。
電影《唐伯虎點秋香》
1.3 表示實際情況與預期不符，可能會導嚴重嘅後果。用於提醒、警告、建议或劝诫。
例句：
Zoi gaaur lokh heoi sath hoijpinr!
再搞落去實開片。
Zaanr mouq saangjyi zouh zej.
盞冇生意做啫。
電影《黑社會》
Neiq soengr lamh zongj, douj hour man zej.
你想㨆莊，都好呅啫。
電影《黑社會以和爲貴》
Gamr yauh mxdakj, gamr yauh mxdakj.
噉又唔得，噉又唔得。
Gamr neiq zikjhaih soengr ninr seir ngoq zej.
噉你即係想捻死我啫。
電影《黑社會》
Hoij gaapmaanh!
開夾萬！
Gamr zikj haih lapj ngoq zej.
噉即係笠我啫。
電影《樹大招風》
1.4 實際情況與預期不符，歸因嘅時候強調某個因素嘅突出作用，用於強調、恭維，或表示謙虛，喺社交中起緩存作用。
例句：
Tair neiq taur wox, Zimjmix zair.
睇你頭啝，Jimmy仔。
Neiq beir geijwuih zej.
你畀機會啫。
電影《黑社會以和爲貴》
Yij ninx neiq hair ngoqdeih zihtaux lor saai coir aa.
伊年你喺我哋字頭攞晒彩啊。
Gogo hingjdaih yauq faanh sikh. Faanhfaanh douj dimh.
個個兄弟有飯食。瓣瓣都掂。
Kaiyex neiq lingqdouh yauqfongj zej.
契爺你領導有方啫。
Hingjdaih bongjsaur zej. Yauxkeixsih haih neiq.
兄弟幫手啫。尤其是係你。
電影《黑社會以和爲貴》
Ngoq zouh zukj laaj.
我做足啦。
Beir cinr ge, beir cinr. Bongj saur ge, bongj saur.
畀錢嘅畀錢，幫手嘅幫手。
Haih Longjganj go pukjgaaij hair douh gaaurgaaurzan sinj svnr mx dour zej.
係啷根個仆街喺度搞搞震先選唔到啫。
電影《黑社會》
1.5 表示實際因素雖然與預期不符，但係唔改變事情嘅走向。形成一種讓步句，類似“即使如此， 依然...”
例句：
Neiq louqdauh mx tair neiq zej, mxhaih gamryoengr douj mouq waah neiq zij aahmaaq?
你老竇唔睇你啫，唔係噉樣都冇話你知啊嗎？
電影《暗花》
Hongxlungx aa, neij daanj yeq mx gwaanj ngoq sih ge wox.
降龍啊，呢單嘢唔關我事嘅啝。
Seoijzakj haih zej,
雖則係啫，
daanh neiq mingxzij soenghminh dij yaur hour louqtour gaajmaa.
但你明知上面啲友好老土𠺢嘛。
Neiq goyanx danh dungjguj zauh sihsiur aa.
你個人炖冬菇就事小啊。
Yixgaaj leoih gaaijfongj, gaaur ceotj gam doj yanxmengh,
而家累街坊，搞出咁多人命。
電影《濟公》
Gaaijhaur go zengr fungjzor, binj douh yauq seoir aa?
街口個井封咗，邊度有水啊?
Mouq zengrseoir zej, kauxkeix matj seoir douj hour, lor laix laaj.
冇井水啫，求其乜水都好，攞嚟啦。
電影《濟公》
Ngoq Wujyingj go dor aax, seoijyinx mx hoengr zej, daanhhaih yauq yanx zij aajmaa.
我烏蠅個朵呀，雖然唔響啫，但係有人知吖嘛。
電影《旺角卡門》
4, ［連詞］： 爲“zikj haih即係”嘅合音。
對應中英文：啫
例句：
Deoi mx zvh, sailour yauq saamj batj zouh ger.
對唔住，細佬有三不做嘅。
Mej saamj batj zouh aa?
咩三不做啊？
Ngoq yatj batj zamj caax, daih seoir.
我一不斟茶遞水，
yih batj sair saamj, sou deih,
二不洗衫掃地，
saamj batj pouj congx, zip peiq.
三不鋪牀摺被。
Gamr zej tungx ngoqdeih yatjyoengh wo.
噉啫同我哋一樣喎。
電影《唐伯虎點秋香》
Neiq yauh hamx-matj-ceonj-yeq-daapdaap aa?
你又含乜春嘢答答啊？
Zej peiyvx neij dij gamryoengr ge aaj.
啫譬如呢啲噉樣嘅吖。
電影《喜劇之王》
Aa Kamx, zej ngoq nej, zauh mxhaih longhdakj heoijmingx ge.
阿琴，啫我呢，就唔係浪得虛名嘅。
電影《國產凌凌漆》
參考資料：
1，Fung, Roxana Suk-Yee. 2000. Final Particles in Standard Cantonese : semantic
extension and pragmatic inference. Doctoral dissertation, Ohio State University.
2，Li, Boya. 2006. Chinese Final Particles and the Syntax of the Periphery. Utrecht: LOT.