單詞：zek
音標：［ tsɛk ̚ 33 ］
1, ［量詞］：通用量詞。
對應中英文：隻
1.1 可用於具體物品。
例句：
Aax! Bongj ngog faak loengq zek daanr aaj.
呀！幫我拂兩隻蛋吖。
電影《家有喜事》
Neij zek buij keoiq yamr gwo gaa. Laix, sair haaq keoiq.
呢隻杯佢飲過㗎。嚟，洗下佢。
電影《家有喜事》
Haih yanxsamj bouj saangjyvr aa.
係人蔘煲生魚啊。
Gam gwaai ger, zek tongj?
咁怪嘅，隻湯？
電影《家有喜事》
Hingjdaih, zikjhakj tungx ngoq zeoij Waah fur zek gunjsvnx.
兄弟，即刻同我追華府隻官船。
Hour aak.
好𡅅。
電影《唐伯虎點秋香》
1.2 可用於身體部位。
例句：
Yukhdai, ngoq zek ngaanq,
玉帝，我隻眼，
douj haih beir go seoijyanx dukj maangx maaix gaa.
都係畀個衰人㧻盲埋㗎。
電影《濟公》
Sanj zek saur ceotj laix aaj.
伸隻手出嚟吖。
Sanj maaix gor zek.
伸埋嗰隻。
電影《回魂夜》
Gamjsanj zungh yauq loengq zek gamjngaax, hair ngoq douh aa.
金身仲有兩隻金牙，喺我度啊。
電影《濟公》
Cikj yihsour, neiq beir zek saurzir ngoq.
慼二嫂，你畀隻手指我。
電影《九品芝麻官》
Si haaq loengq zek saur aaj. yunghlikhdij ge. Cej lokh heoi.
試用兩雙手吖。用力啲嘅。車落去。
電影《逃學威龍》
1.3 可用於動物。
例句：
airyaaq! Gor zek yingj yauh haih ngoq sanjtair binj bouhfanh ngauj ceotj laix gaa?
哎吔！嗰隻鷹又係我身體邊部分勾出嚟㗎？
電影《唐伯虎點秋香》
Maangh Boj aa. Ngoq zungjyi neiq ukjkeir gor zek gaur aa.
孟波啊。我鍾意你屋企嗰隻狗啊。
電影《城市獵人》
Haih. Leiq sih fujfuq loengq zek gwair zauh keiq hair ceotjbinh.
係。李氏夫婦兩隻鬼就企喺出便。
電影《回魂夜》
Neiq zek seirzair, neiq zanj haih.
你隻死仔，你真係。
電影《濟公》
Yvxloix neiq saujmaaix loengq zek wuxleixzingj hair douh.
原來你收埋兩隻狐狸精喺度。
電影《鹿鼎記》
1.4 可用於抽象概念，泛指一種，或一首（歌曲）。
例句：
Saph geir ninx cinx Taaihungj Zungrcv yungh neij yatj zek yaur,
十幾年前太空總署用呢一隻油。
zouh cvnjsojgeij yaphbinh ge binsikj bojleij.
做穿梭機入便嘅變色玻璃。
電影《無雙》
Cungxcungr aa, batjyvx ngoqdeih tiu zek mouq aaj?
蟲蟲啊，不如我哋跳隻舞吖？
電影《百變星君》
Ngoq... Ngoq waihzor coeng neij zek goj beir neiq tengj, ngoq linhzor geir go yvth ge laa.
我... 我爲咗唱呢隻歌畀你聽，我練咗幾個月嘅喇。
電影《家有喜事》
Ngaanqsanx seirguhguh laak, zoi laix.
眼神死咕咕嘞，再嚟。
Naax! Beir zek simrlikjdij ge ngoq.
嗱！畀隻閃爍啲嘅我。
電影《喜劇之王》
Neiq yungh binj zek paaixzir wuhfuj aa?
你用邊隻牌子護膚啊？
電影《城市獵人》
Gor zek zih, ngoq ngaamjngaamj mx sikjdakj dimryoengr ser.
嗰隻字，我啱啱唔識得點樣寫。
電影《審死官》