單詞：zeoi
音標：［ tsɵɪ33 ］
1，［副詞］：超過全部同類，排第一，程度至高。
對應中英文：最
例句：
Yanxtair haih saigaai soengh zeoi keixmiuh ge yeq.
人體係世界上最奇妙嘅嘢。
Yix ngoq ge focingx nej,
而我嘅課程呢，
zauh haih yanxtairhokh leoiqbinh zeoi zimjdvnj ge focingx.
就係人體學裏便最尖端嘅課程。
電影《百變星君》
Gur mx dou neiq zauh haih cvnx haauh zeoi lingh yanx touryim tungx zokngaur ge yihsaizour.
估唔到你就係全校最令人討厭同作嘔嘅二世祖。
電影《百變星君》
Aa Daaihdir gamjkeix zeoi yauq fo.
阿大D今期最有貨。
Zeoi doj lengj ganj keoiq wanrsikh?
最多僆跟佢揾食？
電影《黑社會》
Ngoq gokdakj Daaihdir keoiqdeih zeoi ceotjwair.
我覺得大D佢哋最出位。
Keoiq zeoi bongjdakj zihtaux, ngoq zi caang keoiq zej.
佢最幫得字頭，我至撐佢啫。
電影《黑社會》
Zimjmix zair, neiq zouh hakjseqwuir,
Jimmy仔，你做黑社會，
zauh yiu zouh dou zeoi daaih, zeoi waahdakj sih gor go.
就要做到最大，最話得事嗰個。
電影《黑社會》
2，［形容詞］：飲酒過量，以致神志不清。
對應中英文：醉
例句：
Neiq hair bakjhoir, yamr zeoi zaur, pinr cej, zongh seir yanx.
你喺北海，飲醉酒，片車，撞死人。
Neiq hoengr ngoq Bouhlungx go dor, yatj dij sih douj mouq.
你響我暴龍個朵，一啲事都冇。
電影《低俗喜劇》
Batjgwo ngoq gin keoiq zeoi sengx gamr,
不過我見佢醉成噉，
maih fux keoiq yaph laix loj.
咪扶佢入嚟囉。
電影《家有喜事》
Lungx siu laixzor, yamr dou zeoi saai,
龍少嚟咗，飲到醉晒。
yixgaaj hair douh waanr satjlvnr, yiu wanr cojlvnr cingxyanx aa.
而家喺度玩失戀，要揾初戀情人啊。
電影《喜劇之王》
Waaq! Gor saamj tiux mauhleir zeoi saai dengh wox.
哇！嗰三條茂利醉晒埞啝。
電影《喜劇之王》
Ngoq yauq dij zeoi. Fan zanh sinj.
我有啲醉。瞓陣先。
電影《西遊記大結局之月光寶盒》